Ko te rā aukati mō te kōwhiringa rārangi a ngā uri Māori
Ki te hiahia ngā kaipōti Māori kia whakawhiti rārangi pōti rātou i mua i ngā pōtitanga ā‑rohe, ka āhei tonu rātau ki te whakawhiti rārangi tae atu ki te 10 o Hūrae.
Nēi he uri Māori koe, i tō rēhitatanga pōti mātahi, ka kōwhiria e koe ko te rārangi pōti Māori, ko te rārangi pōti whānui rānei. Mā muri, ka āhei koe ki te whakawhiti rārangi wā noa, heoi kaua i te toru marama i mua i tētehi pōtitanga.
“E whakaatia ana tō whakawhiti rārangi mō ngā pōtitanga ā‑rohe tae atu ki te 10 o Hūrae. Kāhore e whakaaetia tō whakawhiti rārangi i te toru marama i mua i ngā pōtitanga ā‑rohe o te 11 o Oketopa,” te kī a Hone Matthews, a te Amo Māori.
“Hei ngā pōtitanga ā‑rohe, ka pōtihia ō tātau māngai mō ngā kaunihera ā‑tāone, ā‑rohe, ā‑takiwā hoki. Me rēhita kia āhei ai koe ki te whakaputa i ō whakaaro.
“Nēi kei te rārangi pōti Māori koe, ā, he wāri Māori kei tō kaunihera, ka pōti koe i roto i tētehi wāri Māori. Mehemea kei te rārangi pōti whānui koe, kāhore rānei he wāri Māori o tō kaunihera, ka pōti koe i roto i tētehi wāri whānui.
“Mā ngā kaunihera ngā pōtitanga ā-rohe e whakahaere mā te pōtitanga mēra. Tirohia nēi tika tō wāhi noho kia whiwhi ai koe i ngā puka pōti a tō kaunihera i te mēra.
“Toro mai ki vote.nz ki te rēhita, ki te titiro ki ngā taipitopito mōu, ki te whakawhiti rārangi rānei,” te kī a Hone Matthews.
Ngā tau e 50 o te Kōwhiringa Pōti Māori
I te tau 2025, ka eke te Kōwhiringa Pōti Māori ki te 50 tau. Koirā te kōwhiringa mā te Māori ki te rēhita ki te rārangi pōti Māori, ki te rārangi pōti whānui rānei.
E kī ana te ture i whakatūria ai te Kōwhiringa i te tau 1975, he Māori te tangata mehemea he tūpuna Māori ōna. I raro i tērā ture, ka āhei ngā uri Māori ki te rēhita me te kōwhiri i tētehi o aua rārangi pōti.
“Ko te rārangi Māori, ko te rārangi whānui rānei, māu e kōwhiri. He mana tō te kōwhiri,” hei tā Hone Matthews.